国庆去泰国游翻黎后，见到新认识既朋友仔都写左游记，突然令我都好有冲动要更新下个空间。今次既旅行同阿爸阿妈去，发现出门在外，两位老人家特别疏爽，今次去泰国劲买野，带去既钱基本上用晒先翻黎。依家想起，好彩夜机翻hk，所以两老无留系hk玩多几日，若然唔系，估计距地就净翻车费翻广州。

  
DAY 1
　　以旅游业为主要经济来源既泰国，因为中国、香港、台湾的各位游客既大力支持下，令我今次既旅程玩得招积，买得舒适。一个讲泰文既国家，无论系机场、市场、旅游景点、大型商场、专卖店，上至导游，下至小贩，都可以听到我熟悉的中文。如果唔系见到金光闪闪既泰式建筑，干净、香喷喷的wc，我会以为我自己系内地某一个城市旅行紧。

　　泰国不愧系一个资本主义的旅游城市。一落机，就有美女同我哋影响欢迎我哋。但你要记住，你依家系系资本主义国家，唔系好似系中国甘有相关单位会热烈欢迎你。系呢度，任何服务都系要讲money既，美女唔系免费同你影相，距地只不过系为自己提供一个创收既机会。系泰国，所有既旅游景点，都会有人同你影相。开头就梗系免费拉，以后如果你要翻张相米要卑钱罗，100泰铢一张相。系gz，边个会甘傻卑钱人地同自己影相，但呢度既工作人员系专业既摄影师，用专业既器材，用专业既相纸，影出黎梗系靓啦，靓到你唔舍得唔要添。see，人地就系甘样就可以创收拉。所以话，资本主义国家真系成街都系money，系睇下你识唔识执。

　　BKK时间比BEIJING时间慢一个钟，所以当我哋11点落泰国机场时，已经系北京时间12点啦，所以系开往酒店既旅游巴上，我昏昏沉沉甘听泰国导游介绍。导游睇黎系一个带惯中国团的老油条啦，完全理解中国游客的心理，一开始就提醒大家呢度系资本主义国家，呢度系无免费既服务。仲有，距可能非常清楚中国人中意扮熟既心态，提醒翻大家系泰国系唔可以随便摸人地个头，唔好用脚黎指人……后来介绍左d咩，我已经听唔清，一直就昏睡到酒店。day1就系不断转换海陆空交通工具中度过。

DAY 2

     一早起身，就正式开始我哋既泰国行。第一日系曼谷市到处游，系大巴上导游不断介绍曼谷既特色。曼谷最大既特色就系塞车。系广州，会有上班落班两个塞车既时段，而系曼谷就只有一个，由朝早7点塞到夜晚7点。而泰国人除左讲话，行路、做野都好慢条斯理。泰国人稳到10蚊就洗8蚊，相反，中国人稳10蚊要储8蚊，所以中国为世界高储蓄的国家。

    泰国系一个资本主义社会，所有既土地都系私人拥有既，唔似中国，政府可以征地统一开发。而且泰国贫富分化严重，高速公路、机场等等都系私人建的，所以人地中意起成点就点，唔建系正常的，所以路边一d杂草丛生的空地就可以理解了。所以曼谷无咩城市规划可言，而且房屋基本上都好矮，无咩大型既商场、大厦，因为唔系个个人都会有钱起高楼大厦。据导游既介绍，系曼谷最高既两栋大厦系潮州人盖的。而泰国亦系东南亚地区其中一个最唔排华的国家。而且系泰国街上最多既系７－１１，一条街就可能有两三间，因为7仔原产地就系泰国。系７仔入面卖既野基本上同中国既７仔系一样噶，所以唔需要担心吾使泰文就买唔到野，你一见到个包装就好熟悉噶拉，只不过由泰文换成中文。

    坐湄南河游览曼谷系必选既景点。曼谷同中国大部分城市一样，河的两岸都系比较繁荣的。

    上岸后，我哋就去到极出名的泰国大皇宫。大皇宫入面金光闪闪，导游话以前连d窗都系用宝石做噶，依家开放卑游客参加就改用彩色玻璃。成千上万的宝石同黄金镶在皇宫上，真系奢侈到极点。泰国既大皇宫同北京既故宫系两个唔同既style，泰国讲究的系细致的宝石镶嵌手工，而故宫讲求的系宏伟气派。

　　　传说，大皇宫的工作人员每晚要用每个旅行团的大合照对人头数，防止卖票人员穿柜通底。

　　泰国的夜生活好丰富，其中就唔少得人妖表演。人妖有ｄ真系好靓，其中呢个我最中意。

DAY 3

    第三日系bangkok开车前往pattaya，夜晚参加导游组织的自费项目。我哋好水鱼甘报左成个套餐，其中更加冲住一个号称“浪漫刺激、穿越时空”的96！69去。pattaya夜晚有好多小型的表演，据说呢个96！69系招牌五大表演其中之一，系一个可以深度了解泰国人妖既表演。泰国既人妖分成三种，只系假扮成女人既人妖；隆左胸既人妖；上面下面都做左手术的人妖。经过呢个甘有“深度”既96！69，我哋已经彻底甘、清楚甘了解左泰国既人妖，至于浪漫就唔多觉，刺激嘛……就真系非常刺激，吓到我新识既几位“水晶晶”（泰文，=靓女）面容失色。至于表演内容嘛，就唔详讲啦，有d野，意会就得啦，系米？反正，出到去，米当咩都见识下罗。呢d show系中国未必有，就算有，我估我都无机会去见识下。边似得系泰国甘开放，个个旅行团都由导游大摇大摆甘带去开眼界。我d新朋友仔问我，点解我屋企人会卑我去睇呢d表演。我原话问翻我父亲大人，结果距话只要你用艺术既眼光去睇就得拉。无错，泰国对呢方面就真系坦荡荡，人妖、鸡鸭猫狗随处可见，有贵有平，任君选择。我哋导游话系泰国系无强奸既，因为无甘既需要，卑钱就得啦。

      之后既皇帝餐据闻系必定要试既宵夜，有鱼翅、蟹黄蒸粉丝同燕窝。讲真，我就觉得还好，不过如果以前d皇帝晚晚宵夜都吃呢d野，就一定会肥到行都行唔郁。

DAY 4

    一早起身就落雨，死拉，今日出海玩噶嘛，落雨点玩呀！去到海边，我哋个个都盖着毛巾，准备坐“大飞”去珊瑚岛。天又灰、浪又大，坐住部“大飞”都几有“着草”既感觉。坐系船舱既中间，不断听到我自己同隔离既水晶晶发出声声尖叫。刺激度堪比系长隆玩过山车添吖！

     落船去到玩降落伞既平台既时候，大家都仲好似有d晕船既感觉。但一见到甘平既水上活动，大家忽然醒晒，都好踊跃甘报名玩降落伞，连团入面既阿姨都唔例外。

　　去到另外一个岛，系三位水晶晶既怂恿下，我哋玩左摩托艇同香蕉船。但唔知点解，我只摩托艇开得最慢。但亦都因为我开得慢ｄ，可以见到成群成群既鱼仔跳出水面，仲可以系水浅既地方见到珊瑚添！

　　　玩完丰富既水上活动，太阳亦都出黎啦。我哋坐左去”大飞“既船头，感受海风同海浪，最后，再静静甘系沙滩上享受下泰国正宗既太阳。

    上午享受完阳光海滩，下午去左个好水既spa后，夜晚我哋登上左著名既东方公主号，同号称最top既人妖朋友开嘉年华会。系酒精同音乐既作用下，大家都玩得好开心，我仲遇到个ｃｏｏｌ紧牙既人妖添，可惜就系时间短左d。落船后去左pattaya既红灯区参观。成条街都系酒吧，门口企住形形式式既女仔，全部都举住唔同既招牌牌，希望可以吸引到唔同既客人。泰国系一个禁赌唔禁娼既国家，而且距地觉得that’s no big deal。所以泰国既女仔都好坦荡荡甘企定定卑我哋影相，相反我哋做影既人仲有d唔好意思添。

DAY 5

    第五日从pattaya开车翻去曼谷，其中去左几个景点，仲去左一个好大既手信市场。不过可能系前一日玩得太累拉，我成日都系一上车就训觉，成日印象最深刻就系坐大象啦。其余时间感觉系上车就训教，落车就买野。夜晚一早翻到酒店，本来想试下正宗既泰国按摩，但可惜酒店比较偏远，所以无法实现我既愿望，最后早早就执行李训觉了！

DAY 6

    系泰国既最后一日，系上飞机之前，我哋去做最后既shopping。我哋导游话女人去到泰国一定要去买bra，系泰国买bra系买左送右，买前送后。黎到泰国既king power，见到我哋既全陪罗住张list系度扫货就知道有几平拉。基本上系广州买一个就可以系泰国买两个。不过大家要睇清楚呀，泰国都有made in china噶，我个人认为搭甘远飞机去到就唔好再买made in china啦！！

    最后系泰国既新国际机场，我哋开开心心甘上飞机翻hk啦。泰国呢个著名既旅游城市，卑我既印象太深太深啦，令我真系大大甘开左眼界。而且今次旅行仲识到三个可爱既新朋友仔，实在太完美啦！

2009年2月7日，沙面抱趣堂。初中同学相识10周年。十年过去左，原来，大家记性都好好，系我记性差。大家竟然可以将10年前既事记得甘清楚，真难得。